OT SPORTI BO‘YICHA TIZIMLI ISHLAR DAVOM ETMOQDA
Hozirda butun respublikamiz bo‘ylab ot sporti turlarini yana-da rivojlantirish, yangi avlod chavandozlarini tayyorlash va tarbiyalash, yoshlar o‘rtasida ot sportini faol targ‘ib qilish va ommalashtirish ishlariga xar qachongidanda alohida eʼtibor qaratilmoqda. Jumladan, Navoiy viloyati Nurota tumani Qo‘riqlash bo‘limi xodimlari tomonidan ochilgan ot sporti to‘garagi hamda Konimex tumanida o‘tkazilayotgan targ‘ibot tadbirlari fikrimizning yaqqol isbotidir. Nurota tumanida tashkil etilib, o‘z bag‘riga 30 nafardan ortiq yoshlarni chorlagan tadbirda xodimlar tomonidan tarixda va bugungi kunda otlar tinchlikni saqlash, harbiy maqsadlarda xam insonlarning sadoqatli ko‘makchisi ekanligi bo‘yicha zarur tushunchalar berildi. Yoshlarni ot sportiga bo‘lgan qiziqishini oshirish yo‘lida amalga oshirilayotgan bu kabi ishlar, ularning kelgusida ruhan sog‘lom va barkamol farzand bo‘lib voyaga yetishishiga xizmat qiladi.
