OT SPORTINING YANGI TURLARI BO‘YICHA MUSOBAQALAR O‘TKAZILMOQDA
Joriy yilning 06 sentyabr kuni Milliy gvardiya Qashqadaryo viloyati bo‘yicha boshqarmasi tomonidan Yakkabog‘ tumanida ot sportining yangi turlari bo‘yicha musobaqa tashkil etildi. Mazkur bellashuvda mard va jasur chavandozlarimiz ot ustida yugurish, jamoaviy uloq-ko‘pkari, ot ustida kurash hamda olomon uloq-ko‘pkari shartlari bo‘yicha o‘z mahoratlarini sinovdan o‘tkazishdi.
Qiziqarli bahslarga boy bo‘lgan musobaqa yakunida faxrli o‘rinlarni egallagan va g‘olib bo‘lgan chavandozlar Milliy gvardiya hamda tuman hokimligining qimmatbaho esdalik sovg‘alari bilan munosib taqdirlandilar.
Yurtimizda ot sportini rivojlantirish yo‘lida olib borilayotgan bu kabi tizimli ishlar, kelgusida yoshlarni vatanparvarlik ruhida tarbiyalash bilan bir qatorda, milliy va xalqaro miqyosda o‘tkaziladigan ot sporti musobaqalarida munosib o‘rinlarni egallashlari uchun muhim poydevor bo‘lib xizmat qiladi.
