ОТ СПОРТИНИНГ ЯНГИ ТУРЛАРИ БЎЙИЧА МУСОБАҚАЛАР ЎТКАЗИЛМОҚДА
Жорий йилнинг 06 сентябрь куни Миллий гвардия Қашқадарё вилояти бўйича бошқармаси томонидан Яккабоғ туманида от спортининг янги турлари бўйича мусобақа ташкил этилди. Мазкур беллашувда мард ва жасур чавандозларимиз от устида югуриш, жамоавий улоқ-кўпкари, от устида кураш ҳамда оломон улоқ-кўпкари шартлари бўйича ўз маҳоратларини синовдан ўтказишди.
Қизиқарли баҳсларга бой бўлган мусобақа якунида фахрли ўринларни эгаллаган ва ғолиб бўлган чавандозлар Миллий гвардия ҳамда туман ҳокимлигининг қимматбаҳо эсдалик совғалари билан муносиб тақдирландилар.
Юртимизда от спортини ривожлантириш йўлида олиб борилаётган бу каби тизимли ишлар, келгусида ёшларни ватанпарварлик руҳида тарбиялаш билан бир қаторда, миллий ва халқаро миқёсда ўтказиладиган от спорти мусобақаларида муносиб ўринларни эгаллашлари учун муҳим пойдевор бўлиб хизмат қилади.
