O‘zbekiston – barchamiz uchun yagona Vatan, yagona qalbdir!
Farg‘ona viloyatida O‘zbekiston Respublikasi Davlat gerbi qabul qilinganining 31 yilligiga bag‘ishlangan "O‘zbekiston – barchamiz uchun yagona Vatan, yagona qalbdir!" shiori ostida madaniy-maʼrifiy tadbirlar bo‘lib o‘tdi.
Farg‘ona shahri markaziy ko‘chalari bo‘ylab orkestr sadolari ostida harakatlangan davlat ramzlari tushirilgan moto va avtomobillaridan iborat avtokarvon, Milliy gvardiya Farg‘ona viloyati bo‘yicha boshqarmasi kavaleriya eskadroni harbiy xizmatchilari yurtdoshlarimiz qalbida iftixor tuyg‘ularini uyg‘otdi.
Shuningdek, Islom Karimov nomidagi viloyat teatr-konsert saroyi hiyobonida ko‘ngilochar konsert dasturi ham yig‘ilganlar eʼtiboriga havola qilindi.
Tadbirda keng jamoatchilik vakillari, yoshlar ishtirok etdilar. So‘zga chiqqanlar, Davlat gerbining nafaqat davlat ramzi, balki millat iftixori sifatidagi yuksak ahamiyati xususida so‘z yuritdi.
Bayram tadbirida vatan, tinchlikni madh etuvchi qo‘shiqlar yangradi.
