O‘ZBEKISTON RESPUBLIKASI QUROLLI KUCHLARI TIZIMIDA ILMIY-AMALIY ANJUMAN BO‘LIB O‘TDI
Mamlakatni iqtisodiy, ijtimoiy shuningdek,harbiy salohiyatini yuqori bosqichga olib chiqishda ilm-fan va texnologiyalarning o‘rni beqiyos. Respublika miqyosida o‘tkazilgan “O‘zbekiston Respublikasi Qurolli Kuchlari tizimida ilm-fan va texnologiyalarni rivojlantirishning ustuvor yo‘nalishlari, tajriba va muammolari” mavzusidagi mazkur onlayn ilmiy-amaliy anjuman ham Qurolli Kuchlar tizimida olib borilayotgan ilmiy tadqiqotlar natijalarini, ilmiy va innovasion yangiliklar bo‘yicha to‘plangan tajribalarni o‘rtoqlashish hamda izlanuvchilarning o‘zaro fikr almashishiga zamin yaratdi.
Konferensiya davomida O‘zbekiston Respublikasi Innovasion rivojlanish vazirligi, Mudofaa sanoati bo‘yicha davlat qo‘mitasi hamda Qurolli Kuchlar tizimida faoliyat olib borayotgan ilmiy mutaxassislar, oliy harbiy-ta'lim muassasalari professor-o‘qituvchilari va kursantlari o‘zlarining konstruktorlik va innovasion ishlanmalarini namoyish etishdi.
Mazkur anjuman olimlar va tadqiqotchilarni Milliy gvardiya bilan hamkorlikni yanada mustahkamlashga xizmat qilgan bo‘lsa, tadbir davomida ko‘rib chiqilgan tadqiqot natijalari va ilmiy ishlanmalar esa ishtirokchilarni yanada shijoat va g‘ayrat bilan ishlashlariga undadi.
Tadbir so‘ngida iqtidorli innovasion ixtirochilar tashkilotchilar tomonidan munosib rag‘batlantirildi.
