Pirotexnika vositalari savdosiga qarshi profilaktik tadbirlar o‘tkazilmoqda
Joriy yilning 18-noyabr kuni soat taxminan 14:30 larda Buxoro shahri 8-umumtaʼlim maktabi oldida viloyat Bojxona boshqarmasi hamda Milliy gvardiya Buxoro viloyati bo‘yicha boshqarmasi masʼullari tomonidan oldindan kuzatuvda fuqaro T.Z. 1 dona qora rangli polietilen paketga solingan 4 blokda 10 qutidan har bir qutida 60 donadan jami 2400 dona (yorlig‘idagi yozuvlarga ko‘ra “Trenia” va “Britanik” yozuvli) pirotexnika vositalarini sotish uchun olib ketayotganligi aniqlandi.
Dastlabki surishtiruv ishlari natijasida fuqaro T.Z.ning yashash xonadonidan 6 blokda har bir blokda 10 quti har bir qutida 60 donadan jami 3600 dona yorlig‘idagi yozuvlarga ko‘ra “Treniya” va “Britan” yozuvli bo‘lgan pirotexnika vositalari borligi maʼlum bo‘ldi.
Hozirda mazkur holat bo‘yicha Milliy gvardiya Buxoro viloyati boshqarmasi Surishtiruv bo‘limi tomonidan tergovga qadar tekshiruv harakatlari olib borilmoqda.
