Пиротехника воситалари савдосига қарши профилактик тадбирлар ўтказилмоқда
Жорий йилнинг 18-ноябрь куни соат тахминан 14:30 ларда Бухоро шаҳри 8-умумтаълим мактаби олдида вилоят Божхона бошқармаси ҳамда Миллий гвардия Бухоро вилояти бўйича бошқармаси масъуллари томонидан олдиндан кузатувда фуқаро Т.З. 1 дона қора рангли полиэтилен пакетга солинган 4 блокда 10 қутидан ҳар бир қутида 60 донадан жами 2400 дона (ёрлиғидаги ёзувларга кўра «Trenia» ва «Britanik» ёзувли) пиротехника воситаларини сотиш учун олиб кетаётганлиги аниқланди.
Дастлабки суриштирув ишлари натижасида фуқаро Т.З.нинг яшаш хонадонидан 6 блокда ҳар бир блокда 10 қути ҳар бир қутида 60 донадан жами 3600 дона ёрлиғидаги ёзувларга кўра «Trenia» ва «Britanik» ёзувли бўлган пиротехника воситалари борлиги маълум бўлди.
Ҳозирда мазкур ҳолат бўйича Миллий гвардия Бухоро вилояти бошқармаси Суриштирув бўлими томонидан терговга қадар текширув ҳаракатлари олиб борилмоқда.
