Pirotexnika vositalarining noqonuniy savdosini oldini olish bo‘yicha mamlakatimiz bo‘ylab Milliy gvardiya va hamkor vazirliklar tomonidan reyd tadbirlari o‘tkazilmoqda
Shu kabi tadbirlar joriy yilning 31 oktyabr kuni Surxondaryo viloyatida olingan xabarlarga ko‘ra, Milliy gvardiya harbiy xizmatchilari tomonidan Denov tumanidagi “Yangi Yashil dunyo” dehqon bozorida amalga oshirilib, sodir bo‘lishi mumkin bo‘lgan ko‘ngilsizliklar oldi olindi.
Tadbir davomida ushbu tumanda istiqomat qiluvchi fuqaro A.S. tomonidan umumiy qiymati 1 mln so‘mga baholangan 10 blok (har bir bloki 100 ming so‘mdan, jami 100 quti) “BRITANIK” nomli pirotexnika vositalarini sotayotgan vaqtida qo‘lga olindi.
Shuningdek, tadbir davomida voyaga yetmagan 14 yoshli E.J tomonidan 18 blok (har bir bloki 120 ming so‘mdan, jami 180 quti) “BRITANIK” yorlig‘i bo‘lgan pirotexnika vositalarini sotish vaqtida to‘xtatib qolinib, o‘rnatilgan tartibda rasmiylashtirilgan va ota-onasi bilan tushuntirish ishlari olib borilgan.
Mazkur holatlar yuzasidan Milliy gvardiya Surxondaryo viloyati bo‘yicha boshqarmasi Surishtiruv bo‘limi tomonidan tergovga qadar tekshiruv harakatlari olib borilmoqda.
