PIROTEXNIKA VOSITALARINING NOQONUNIY SAVDOSI OLDI OLINDI
Respublikamiz bo‘ylab huquqni muhofaza qilish organ xodimlari hamkorligida pirotexnika vositalarining noqonuniy savdo oldini olishga qaratilgan reyd tadbirlari davom etmoqda.
Xususan, joriy yilning 24 noyabr kuni Farg‘ona viloyatida olingan xabarga ko‘ra Milliy gvardiya hamda Bojxona boshqarmasi xodimlari tomonidan “Vodil-Marg‘ilon-Oltiariq” yo‘nalishida harakatlanayotgan fuqaro Q.X.X boshqaruvidagi “Nexia” rusumli avtomashina tezkor kuzatuvga olindi va Marg‘ilon shahri hududida to‘xtatilib, xolislar ishtirokida ko‘zdan kechirilganida, avtotransport vositasining yukxonasi va salonida Qirg‘iziston Respublikasidan yashirincha olib kirilgan umumiy qiymati 25 200 000 so‘m bo‘lgan 36 dona “9D-037” nomli pirotexnika vositalari borligi aniqlandi. Shuningdek,kuni kecha hamkor xodimlar ishtirokida yana bir ko‘ngilsizlik oldi olindi. Farg‘ona viloyatida istiqomat qiluvchi N.X.A boshqaruvidagi “Spark” rusumidagi avtomashina to‘xtatilib, ko‘zdan kechirilganda umumiy qiymatida 61.240.000 so‘mlik 157.400 dona “Britanik” nomli pirotexnika, 40 dona “Korolevskiy” nomli salyut, 44 dona “Noviy vek” nomli salyut borligi aniqlandi.
Hozirda mazkur holatlar yuzasidan tergovga qadar tekshiruv ishlari Farg‘ona viloyati Milliy gvardiya Surishtiruv bo‘limi tomonidan olib borilmoqda.
