ПИРОТЕХНИКА ВОСИТАЛАРИНИНГ НОҚОНУНИЙ САВДОСИ ОЛДИ ОЛИНДИ
Республикамиз бўйлаб ҳуқуқни муҳофаза қилиш орган ходимлари ҳамкорлигида пиротехника воситаларининг ноқонуний савдо олдини олишга қаратилган рейд тадбирлари давом этмоқда.
Хусусан, жорий йилнинг 24 ноябрь куни Фарғона вилоятида олинган хабарга кўра Миллий гвардия ҳамда Божхона бошқармаси ходимлари томонидан “Водил-Марғилон-Олтиариқ” йўналишида ҳаракатланаётган фуқаро Қ.Х.Х бошқарувидаги “Nexia” русумли автомашина тезкор кузатувга олинди ва Марғилон шаҳри ҳудудида тўхтатилиб, холислар иштирокида кўздан кечирилганида, автотранспорт воситасининг юкхонаси ва салонида Қирғизистон Республикасидан яширинча олиб кирилган умумий қиймати 25 200 000 сўм бўлган 36 дона “9Д-037” номли пиротехника воситалари борлиги аниқланди. Шунингдек,куни кеча ҳамкор ходимлар иштирокида яна бир кўнгилсизлик олди олинди. Фарғона вилоятида истиқомат қилувчи Н.Х.А бошқарувидаги “Spark” русумидаги автомашина тўхтатилиб, кўздан кечирилганда умумий қийматида 61.240.000 сўмлик 157.400 дона “Британик” номли пиротехника, 40 дона “Королевский” номли салют, 44 дона “Новый век” номли салют борлиги аниқланди.
Ҳозирда мазкур ҳолатлар юзасидан терговга қадар текширув ишлари Фарғона вилояти Миллий гвардия Суриштирув бўлими томонидан олиб борилмоқда.
