PIROTEXNIKA VOSITALARINING NOQONUNIY SAVDOSI OLDI OLINDI
Andijon viloyatida Milliy gvardiya va Bojxona boshqarmasi xodimlari hamkorligida tezkor tadbir o‘tkazildi. Tadbir davomida Andijon shahrida yashovchi (45 yoshli ayol) fuqaro A.N. o‘zining yashash xonadoni yaqinida 200 dona “Treniya” nomli hamda 7 500 dona “Petardi” nomli pirotexnika vositalarini umumiy qiymati 53 310 000 so‘mga sotmoqchi bo‘lib turganinida, tadbir ishtirokchilari tomonidan xolislar ishtirokida qo‘lga olingan. Shu kabi tezkor tadbir Farg‘ona viloyatida ham o‘tkazilib, Marg‘ilon shahrida yashovchi (49 yoshli ayol) fuqaro S.Yo. o‘zining yashash xonadoni yaqinidagi “Bijuteriya” savdo magazinida umumiy qiymati 3 600 000 so‘m bo‘lgan 40 dona “Snegovik” nomli pirotexnika vositasini saqlab ketayotganligi aniqlanib, xolislar ishtirokida o‘rnatilgan tartibda olib qo‘yilgan.
Mazkur holatlar yuzasidan tegishli viloyatlar Milliy gvardiya Surishtiruv bo‘limlari tomonidan dastlabki tergov harakatlari olib borilmoqda
