Poytaxtimizning Yunusobod tumani qo‘riqlash bo‘limiga kelib tushgan “Tashvish” xabariga ko‘ra voqea joyiga yetib borgan tezkor harakatlanuvchi guruh tomonidan nаrkotik moddalarini yashirishda gumon qilingan shaxslar qo‘lga olindi
Joriy yilning 22 sentyabr kuni soat 23:18 da Yunusobod tumani “Qo‘riqlash” bo‘limiga Amir Temur shoh ko‘chasida joylashgan spa salonlarining biridan “tashvish” xabari kelib tushgan.
Voqea joyiga yetib borgan Qo‘riqlash xizmati tezkor harakatlanuvchi guruhi xodimlar tomonidan nomaʼlum fuqarolar saqichsimon yopishqoq moddani obyekt tashqarisidan kavlab olayotganligi aniqlangan va ular qo‘lga olingan.
Olib borilgan dastlabki o‘rganishlar natijasida ular Surxondaryo viloyatida tug‘ilgan 19 yoshli B.J., 23 yoshli A.T., 23 yoshli A.I. va 23 yoshli A. Sh.lar ekanliklari maʼlum bo‘lgan.
Hozirda mazkur holat yuzasidan Yunusobod tumani IIO FMB tomonidan tergovga qadar surishtiruv ishlari olib borilmoqda.
