Mamlakatimizda amalga oshirilayotgan islohotlar, xususan Toshkent shahrida ishlab chiqarish salohiyatidan samarali foydalanish, mahallalar infratuzilmasini yaxshilash, yashil hududlarni kengaytirish va aholiga xizmat koʻrsatish borasidagi ishlarni yangi bosqichga olib chiqishga qaratilgan chora-tadbirlarning amaliy ijrosi Shayxontohur tumanida Milliy gvardiya qoʻmondonligi rahbarligidagi ishchi guruh tomonidan taʼminlanmoqda.
Poytaxtimizdagi tumanlarni har tomonlama rivojlantirish va islohotlar samaradorligini oshirish borasidagi vazifalar ijrosi taʼminlash yuzasidan Shayxontohur tumanida Milliy gvardiya, Investitsiyalar, Savdo va sanoat vazirligi va boshqa mutasaddi vazirlik va idoralardan tashkil topgan ishchi guruhlar tomonidan “mahallabay” va “fuqarobay” yo‘nalishda ishlar olib borilmoqda.
Tadbir davomida muammolarning hal etilishi, jumladan, issiqlik va ichimlik suvi, elektr tarmoqlari va gaz taʼminoti obyektlarining holatini yaxshilash, obodonlashtirish, jamoat tashkilotlarida ish unumdorligini oshirish uchun kompyuter va mebel jihozlari bilan taʼminlash, ko‘p qavatli uylardagi mavjud muammolarni o‘z vaqtida bartaraf etish kabi masalalar ko‘rib chiqildi. Hozirga qadar biriktirilgan har bir mutasaddi vazirlik va idoralarning vakillari mahallalarda bo‘lib, fuqarolarning murojaatlarini o‘rganishmoqda va kerakli chora-tadbirlar ko‘rilmoqda.
Shayxontohur tumanidagi mazkur ishlarni muvofiqlashtirishga masʼul bo‘lgan Milliy gvardiya qo‘mondoni o‘rinbosari polkovnik S.Mamayusupov tumandagi “Beltepa”, “Yangi Jarariq”, “Eski Jarariq”, “Huvaydo” MFY larga tashrif buyurib, hududdagi shart-sharoitlar o‘rganildi. Shuningdek, masʼullarga muammolarni qisqa muddatda bartaraf etish chora-tadbirlarini amalga oshirish bo‘yicha ko‘rsatmalar berildi.
Tadbir doirasida Navro‘z bog‘ida yoshlar uchun madaniy konsert dasturi va yoshi ulug‘lar uchun tibbiy ko‘rik tashkillashtirildi.
Maʼlumot uchun: ishchi guruh tumandagi 51 ta mahallada o‘z faoliyatini davom ettirmoqda.
