OBYEKTGA NOQONUNIY PIROTEXNIKA VOSITALARI OLIB KIRILISHI OLDI OLINDI
Yurtimizga pirotexnika vositalarini yashirin ravishda olib kirish, uni tashish va sotishga bo‘lgan urinishlarga qarshi, huquqni muhofaza qiluvchi organlar tomonidan tizimli ishlar amalga oshirilmoqda.
Afsuski, shunga qaramay, amaldagi qonunlarni chetlab o‘tayotgan ayrim uddaburonlar hamon uchramoqda.
Xususan, Farg‘ona viloyati Qo‘riqlash boshqarmasi masʼul xodimlari tomonidan o‘tkazilgan tadbir davomida, Farg‘ona issiqlik elektr markazi AJ nazorat tekshiruv postida o‘zining xatti-harakatlari bilan shubha uyg‘otgan fuqaro tekshirilganda, Toshloq tumanida istiqomat qiluvchi 2001 y. t. fuqaro K. X.ekanligi, uning boshqaruvidagi “ISUZU” rusumli avtomobil salonidan 60 (oltmish) quti, jami 3600 (uch ming olti yuz) dona, “BRITANIK” nomli pirotexnika vositalarini sotish maqsadida obyektga olib kelayotganligi maʼlum bo‘ldi.
Aniqlangan ashyoviy dalillar xolislar ishtirokida o‘rnatilgan tartibda rasmiylashtirildi.
