Xotin-qizlar jamoatchilik kengashi tomonidan Milliy gvardiya tizimida xizmat o‘tayotgan ayol harbiy xizmatchi va xodimalarning muammolari va xohish-istaklari o‘rganilib, ijobiy hal qilib kelinmoqda
Davlatimiz tomonidan olib borilayotgan keng islohotlar doirasida xotin-qizlar masalasiga ham alohida eʼtibor qaratilib, ularga zarur shart-sharoitlar yaratib berilmoqda.
Jumladan, Milliy gvardiya tizimida Xotin-qizlar jamoatchilik kengashi tashkil etilgan bo‘lib, Kengash tomonidan Milliy gvardiya qo‘mondonligi ko‘magida ayollar masalasida muhim tadbirlar amalga oshirilmoqda.
Kengashning bosh maqsadlaridan biri ham, aynan ayol harbiy xizmatchi va xodimalarning nafaqat ishdagi, balki oilasidagi dolzarb ijtimoiy masalalariga tezkor yechim topishdir.
Shu maqsadlarda Kengash tomonidan Milliy gvardiya Qoraqalpog‘iston Respublikasi hamda Xorazm viloyati bo‘yicha boshqarmalarida o‘rganishlar o‘tkazildi.
O‘rganish davomida hududiy bo‘linmalarda tashkil etilgan xotin-qizlar jamoatchilik kengashi boshlang‘ich tashkilotlari faoliyati, shu jumladan, shaxsiy tarkib va ularning oila aʼzolari bilan olib borilgan ishlar bilan tanishildi.
Shuningdek, tashrif davomida Kengash tomonidan ayol harbiy xizmatchi va xodimalar hamda shaxsiy tarkibning oila aʼzolari bilan sayyor qabullar, maʼnaviy-maʼrifiy va sport tadbirlari, psixologik treninglar, tibbiy ko‘riklar tashkil etildi hamda hududlardagi oilaviy bolalar uylari borildi.
Sayyor qabullar chog‘ida aniqlangan muammolarning asosiy qismi joyida bartaraf etildi, bir qator murojaatlar bo‘yicha qo‘mondonlik tomonidan masʼullarga tegishli topshiriq va ko‘rsatmalar berildi.
Milliy gvardiya tizimida Xotin-qizlar jamoatchilik kengashi tomonidan joylardagi muammolarni o‘rganish va hal qilishga qaratilgan tadbirlar davom ettiriladi.
