Хотин-қизлар жамоатчилик кенгаши томонидан Миллий гвардия тизимида хизмат ўтаётган аёл ҳарбий хизматчи ва ходималарнинг муаммолари ва хоҳиш-истаклари ўрганилиб, ижобий ҳал қилиб келинмоқда
Давлатимиз томонидан олиб борилаётган кенг ислоҳотлар доирасида хотин-қизлар масаласига ҳам алоҳида эътибор қаратилиб, уларга зарур шарт-шароитлар яратиб берилмоқда.
Жумладан, Миллий гвардия тизимида Хотин-қизлар жамоатчилик кенгаши ташкил этилган бўлиб, Кенгаш томонидан Миллий гвардия қўмондонлиги кўмагида аёллар масаласида муҳим тадбирлар амалга оширилмоқда.
Кенгашнинг бош мақсадларидан бири ҳам, айнан аёл ҳарбий хизматчи ва ходималарнинг нафақат ишдаги, балки оиласидаги долзарб ижтимоий масалаларига тезкор ечим топишдир.
Шу мақсадларда Кенгаш томонидан Миллий гвардия Қорақалпоғистон Республикаси ҳамда Хоразм ва Андижон вилоятлари бўйича бошқармаларида ўрганишлар ўтказилди.
Ўрганиш давомида ҳудудий бўлинмаларда ташкил этилган хотин-қизлар жамоатчилик кенгаши бошланғич ташкилотлари фаолияти, шу жумладан, шахсий таркиб ва уларнинг оила аъзолари билан олиб борилган ишлар билан танишилди.
Шунингдек, ташриф давомида Кенгаш томонидан аёл ҳарбий хизматчи ва ходималар ҳамда шахсий таркибнинг оила аъзолари билан сайёр қабуллар, маънавий-маърифий ва спорт тадбирлари, психологик тренинглар, тиббий кўриклар ташкил этилди ҳамда ҳудудлардаги оилавий болалар уйлари борилди.
Сайёр қабуллар чоғида аниқланган муаммоларнинг асосий қисми жойида бартараф этилди, бир қатор мурожаатлар бўйича қўмондонлик томонидан масъулларга тегишли топшириқ ва кўрсатмалар берилди.
Миллий гвардия тизимида Хотин-қизлар жамоатчилик кенгаши томонидан жойлардаги муаммоларни ўрганиш ва ҳал қилишга қаратилган тадбирлар давом эттирилади.
