MARDLAR HAYOT YO‘LI YoSHLARGA IBRAT
Joriy yilning 5 may kuni Jarqo‘rg‘on tumanidagi 19-sonli umumiy o‘rta taʼlim maktabida "Xotira abadiy" shiori ostida maʼdaniy-maʼrifiy tadbir tashkil etildi. Milliy gvardiya Surxondaryo viloyati bo‘yicha boshqarmasi, mudofaa va xalq taʼlimi bo‘limi hamkorligida tashkil etilgan tadbirda faxriylar, o‘quvchilar va uyushmagan yoshlar ishtirok etdi. Tadbirda so‘z olganlar, 9 may – Xotira va qadrlash kuni bilan yig‘ilganlarni tabriklab, yurt tinchligi yo‘lida jon fido qilgan ajdodlarimiz, hozirda umrguzaronlik qilayotgan Ikkinchi jahon urushi qatnashchilarining hayot yo‘li yosh avlodga ibrat ekanligini alohida taʼkidlab o‘tishdi. Faxriylarni eʼzozlash, o‘tganlarni porloq xotirasini yod etish esa ezgu qadriyatlarimizdan biri ekanligi qayd etildi. Marosimda o‘quvchi yoshlar tomonidan sheʼrlar aytildi, kuy-qo‘shiq va raqslar ijro etildi, shuningdek ijro etilgan turli sahna ko‘rinishlari ayniqsa, harbiy xizmatchilarning ko‘rgazmali chiqishlarini ishtirokchilar katta qiziqish bilan tomosha qildilar.
