QAHRAMONLIK UNUTILMAYDI
Sirdaryo viloyati Sardoba qishlog‘ida texnogen talafotni bartaraf etish paytida Milliy Gvardiya harbiy xizmatchisi "Jasorat” medali sohibi Suyunov Xazrat Qaramatovich o‘z xizmat burchini bajarayotib halok bo‘lgan edi.
Uning nomini abadiylashtirish maqsadida mustaqilligimizning 30 yilligi bayrami hamda yangi o‘quv yili boshlanish arafasida Nurota tumani Chashma qishlog‘ining 10-sonli umumtaʼlim maktabida qahramon yigit sharafiga byusti o‘rnatildi.
Mazkur tadbir ochilish marosimida Navoiy viloyati hokimi Q.Tursunov, Milliy gvardiya Navoiy viloyati bo‘yicha boshqarma boshlig‘i polkovnik B.Usmonov, tuman hokimi U.Xalilov shuningdek, viloyat va tuman mutasaddi korxona va tashkilot rahbarlari, qahramon yigit H.Suyunov oila aʼzolari hamda harbiy xizmatchilar ishtirok etishdi.
Marosimda so‘zga chiqqanlar marhum harbiy xizmatchining xizmat burchiga sodiqligi, ona vatanimiz va xalqimizga sadoqati yuraklarda abadiy qolishi haqida taʼkidlab o‘tishdi.
Mazkur byust tagiga gulchambarlar qo‘yilib, hurmat bajo keltirildi. Maktab hovlisida tashkil etilgan harbiy xizmatchilarning jangovar ko‘rgazmali chiqishlari va ayniqsa, Suyunovlar oilasi vakili tomonidan aytilgan sheʼrlar barchaga birdek manzur bo‘ldi.
