ҚАҲРАМОНЛИК УНУТИЛМАЙДИ
Сирдарё вилояти Сардоба қишлоғида техноген талафотни бартараф этиш пайтида Миллий Гвардия ҳарбий хизматчиси "Жасорат” медали соҳиби Суюнов Хазрат Қараматович ўз хизмат бурчини бажараётиб ҳалок бўлган эди.
Унинг номини абадийлаштириш мақсадида мустақиллигимизнинг 30 йиллиги байрами ҳамда янги ўқув йили бошланиш арафасида Нурота тумани Чашма қишлоғининг 10-сонли умумтаълим мактабида қаҳрамон йигит шарафига бюсти ўрнатилди.
Мазкур тадбир очилиш маросимида Навоий вилояти ҳокими Қ.Турсунов, Миллий гвардия Навоий вилояти бўйича бошқарма бошлиғи полковник Б.Усмонов, туман ҳокими У.Халилов шунингдек, вилоят ва туман мутасадди корхона ва ташкилот раҳбарлари, қаҳрамон йигит Ҳ.Суюнов оила аъзолари ҳамда ҳарбий хизматчилар иштирок этишди.
Маросимда сўзга чиққанлар марҳум ҳарбий хизматчининг хизмат бурчига содиқлиги, она ватанимиз ва халқимизга садоқати юракларда абадий қолиши ҳақида таъкидлаб ўтишди.
Мазкур бюст тагига гулчамбарлар қўйилиб, ҳурмат бажо келтирилди. Мактаб ҳовлисида ташкил этилган ҳарбий хизматчиларнинг жанговар кўргазмали чиқишлари ва айниқса, Суюновлар оиласи вакили томонидан айтилган шеърлар барчага бирдек манзур бўлди.
