Qashqadaryo viloyatida pul evaziga Milliy gvardiyaga ishga joylashtirishni vaʼda bergan firibgar shaxs ashyoviy dalillar bilan qo‘lga olindi.
Departamentning Qashqadaryo viloyati boshqarmasiga Qarshi shahridagi taʼlim muassasalarining birida ombor mudiri sifatida faoliyat yurutuvchi 41 yoshli X.M. o‘zining yuqoridagi tanishlari orqali fuqaro T.B ning o‘g‘lini 7 ming AQSH dollari evaziga Milliy gvardiyaga ishga olib kirib qo‘yishni vaʼda qilganligi haqida maʼlumot kelib tushgan.
Olingan xabarga ko‘ra joriy yilning 15 sentyabr kuni o‘tkazilgan tezkor tadbirda fuqaro M.H oldindan kelishilgan pulning 5000 AQSH dollarini fuqaro B.T dan olayotgan vaqtida ashyoviy dalillar bilan qo‘lga olindi.
Mazkur holat yuzasidan boshqarma tomonidan Jinoyat kodeksining 168-moddasi 2-qismi “a” bandi (“Firibgarlik”) va 28-modda (“Jinoyatda sheriklikning turlari”) va 211-moddasi 1-qismi (“Firibgarlik”) bilan jinoyat ishi qo‘zg‘atilgan. Hozirda tergov davom etmoqda.
Hurmatli fuqarolar! Agar sizga noqonuniy pul mablag‘lari evaziga Milliy gvardiyada ishlash yoki taʼlim muassasalarida o‘qish taklif qilinsa, bu haqda Milliy gvardiya Shaxsiy xavfsizlik boshqarmasiga veb-saytda ko‘rsatilgan telefon raqamlari orqali xabar bering.
