Қашқадарё вилоятида пул эвазига Миллий гвардияга ишга жойлаштиришни ваъда берган фирибгар шахс ашёвий далиллар билан қўлга олинди.
Департаментнинг Қашқадарё вилояти бошқармасига Қарши шаҳридаги таълим муассасаларининг бирида омбор мудири сифатида фаолият юрутувчи 41 ёшли Х.М. ўзининг юқоридаги танишлари орқали фуқаро Т.Б нинг ўғлини 7 минг АҚШ доллари эвазига Миллий гвардияга ишга олиб кириб қўйишни ваъда қилганлиги ҳақида маълумот келиб тушган.
Олинган хабарга кўра жорий йилнинг 15 сентябрь куни ўтказилган тезкор тадбирда фуқаро М.Ҳ олдиндан келишилган пулнинг 5000 АҚШ долларини фуқаро Б.Т дан олаётган вақтида ашёвий далиллар билан қўлга олинди.
Мазкур ҳолат юзасидан бошқарма томонидан Жиноят кодексининг 168-моддаси 2-қисми “а” банди (“Фирибгарлик”) ва 28-модда (“Жиноятда шерикликнинг турлари”) ва 211-моддаси 1-қисми (“Фирибгарлик”) билан жиноят иши қўзғатилган. Ҳозирда тергов давом этмоқда.
Ҳурматли фуқаролар! Агар сизга ноқонуний пул маблағлари эвазига Миллий гвардияда ишлаш ёки таълим муассасаларида ўқиш таклиф қилинса, бу ҳақда Миллий гвардия Шахсий хавфсизлик бошқармасига веб-сайтда кўрсатилган телефон рақамлари орқали хабар беринг.
