Qashqadaryo viloyatida uloq-ko‘pkari musobaqasi o‘tkazildi
Milliy gvardiya Qashqadaryo viloyati bo‘yicha Qo‘riqlash boshqarmasi hamda Qarshi shahar hokimligi bilan hamkorlikda Chiroqchi tumanida uloq-ko‘pkari ot sporti musobaqasi tashkil etildi.
Dastavval, Shodiyor baxshi tomonidan kuylangan kuy-qo‘shiqlar, musobaqaga o‘zgacha xush kayfiyat olib kirdi. Mazkur musobaqa davomida mohir chavandozlar, bizga ajdodlardan-avlodlarga meros bo‘lib o‘tib kelayotgan milliy anʼanalarimiz bo‘lgan ot sportining yangi turlari bo‘yicha o‘z mahoratlarini namoyon etdilar.
Shiddatli va qizg‘in bellashuvlar ostida kechgan ushbu bellashuv barchaga birdek xush kayfiyat ulashib, ishtirokchi va tomoshabinlarda katta taassurot qoldirdi.
Bu kabi musobaqalarni o‘tkazishdan ko‘zlangan asosiy maqsad, yurtimizda Qorabayir zotli otlarning turini ko‘paytirish hamda ushbu sport turini rivojlantirishdan iboratdir.
Bellashuv yakunida jasur va mard chavandozlar tashkilotchilarning esdalik sovg‘alari bilan munosib taqdirlandi.
