Қашқадарё вилоятида улоқ-кўпкари мусобақаси ўтказилди
Миллий гвардия Қашқадарё вилояти бўйича Қўриқлаш бошқармаси ҳамда Қарши шаҳар ҳокимлиги билан ҳамкорликда Чироқчи туманида улоқ-кўпкари от спорти мусобақаси ташкил этилди.
Даставвал, Шодиёр бахши томонидан куйланган куй-қўшиқлар, мусобақага ўзгача хуш кайфият олиб кирди. Мазкур мусобақа давомида моҳир чавандозлар, бизга аждодлардан-авлодларга мерос бўлиб ўтиб келаётган миллий анъаналаримиз бўлган от спортининг янги турлари бўйича ўз маҳоратларини намоён этдилар.
Шиддатли ва қизғин беллашувлар остида кечган ушбу беллашув барчага бирдек хуш кайфият улашиб, иштирокчи ва томошабинларда катта таассурот қолдирди.
Бу каби мусобақаларни ўтказишдан кўзланган асосий мақсад, юртимизда Қорабайир зотли отларнинг турини кўпайтириш ҳамда ушбу спорт турини ривожлантиришдан иборатдир.
Беллашув якунида жасур ва мард чавандозлар ташкилотчиларнинг эсдалик совғалари билан муносиб тақдирланди.
