QO‘L JANGI MUSOBAQASI G‘OLIBLARI ANIQLANDI
Qoraqalpog‘iston Respublikasi Nukus shahrida huquqni muhofaza qiluvchi organ xodimlari o‘rtasida sportning qo‘l jangi turi bo‘yicha «Dinamo birinchiligi» bo‘lib o‘tdi.
Ikki kun mobaynida bo‘lib o‘tgan musobaqada 7 ta jamoa hisobida 46 nafar sportchilar ishtirok etib, qo‘l jangi bo‘yicha mahoratlarini namoyish etdilar.
Qizg‘in kechgan bellashuvlarda har bir sportchining ishtiroki hakamlar hayʼati tomonidan munosib bohalanib borildi. O‘zaro kuch sinashish natijasida saralanib, musobaqaning final bosqichigacha yetib kelgan eng kuchli sportchilar keskin bahs munozaralarga boy shiddatli jang olib bordilar.
Musobaqa natijalariga ko‘ra 1-o‘rinni Milliy gvardiya Qoraqalpog‘iston Respublikasi bo‘yicha boshqarmasi jamoasi, 2-o‘rinni QR IIV jamoasi hamda 3-o‘rinni QR Milliy gvardiyasi Qo‘riqlash boshqarmasi jamoasi egalladi. Tadbir yakunida g‘oliblar diplom, kubok hamda qimmatbaho esdalik sovg‘alari bilan taqdirlandilar.
