ҚЎЛ ЖАНГИ МУСОБАҚАСИ ҒОЛИБЛАРИ АНИҚЛАНДИ
Қорақалпоғистон Республикаси Нукус шаҳрида ҳуқуқни муҳофаза қилувчи орган ходимлари ўртасида спортнинг қўл жанги тури бўйича «Динамо биринчилиги» бўлиб ўтди.
Икки кун мобайнида бўлиб ўтган мусобақада 7 та жамоа ҳисобида 46 нафар спортчилар иштирок этиб, қўл жанги бўйича маҳоратларини намойиш этдилар.
Қизғин кечган беллашувларда ҳар бир спортчининг иштироки ҳакамлар ҳайъати томонидан муносиб боҳаланиб борилди. Ўзаро куч синашиш натижасида сараланиб, мусобақанинг финал босқичигача етиб келган энг кучли спортчилар кескин баҳс мунозараларга бой шиддатли жанг олиб бордилар.
Мусобақа натижаларига кўра 1-ўринни Миллий гвардия Қорақалпоғистон Республикаси бўйича бошқармаси жамоаси, 2-ўринни ҚР ИИВ жамоаси ҳамда 3-ўринни ҚР Миллий гвардияси Қўриқлаш бошқармаси жамоаси эгаллади. Тадбир якунида ғолиблар диплом, кубок ҳамда қимматбаҳо эсдалик совғалари билан тақдирландилар.
