Mamlakatimiz aholisining, ayniqsa yosh avlodning jismoniy tarbiya va sport bilan muntazam shug‘ullanishlari, sportni yana-da ommalashtirish chora tadbirlari bo‘yicha Qurolli Kuchlar va huquqni muhofaza qiluvchi organlari masʼul xodimlarining uchrashuvi bo‘lib o‘tdi va hamkorlikdagi istiqbolli rejalar ko‘rib chiqildi

Davlatimiz rahbarining 2021 yil 5 avgust kunidagi “Chavandozlar maktablari faoliyatini tashkil etish chora-tadbirlari to‘g‘risida”gi, “O‘zbekistonda yilqichilik, ot sporti, zamonaviy beshkurash va Poloni 2025 yilgacha rivojlantirish davlat dasturi to‘g‘risida” gi va “Surxondaryo viloyatida Qorabayir zotli otlarni yetishtirish va ommalashtirish hamda ot sporti turlarini yana-da rivojlantirish chora-tadbirlari to‘g‘risida”gi Qarorlari ijrosi yuzasidan Milliy gvardiya hamda hamkor vazirliklar, shuningdek joylardagi viloyat, shahar hamda tuman hokimliklari hamkorligida tizimli ishlar yo‘lga qo‘yildi.

Shu borada, joriy yilning 9 noyabr kuni Milliy gvardiya Markaziy devonida Davlat xavfsizlik xizmati, Davlat bojxona qo‘mitasi, Mudofaa va Ichki ishlar vazirliklari mutasaddi rahbarlari shuningdek, masʼul federatsiyalar vakillari ishtirokidagi navbatdagi yig‘ilish bo‘lib o‘tdi. Mazkur uchrashuv davomida yuqorida qayd etilgan qarorlar ijrosi yuzasidan hamkorlikdagi istiqbolli rejalar ko‘rib chiqildi va “Qurolli Kuchlar va huquqni muhofaza qiluvchi organlar o‘rtasida har yili ot sporti turlari bo‘yicha turnirlarni o‘tkazish tartibini belgilash to‘g‘risida”gi qo‘shma qaror loyihasi muhokama qilindi.