Respublikamiz bo‘ylab «Mahalla obod — yurt obod» shiori ostida o‘tkazilayotgan hasharda Milliy gvardiya harbiy xizmatchi va xodimlari hamda ularning oila aʼzolari faol ishtirok etmoqda.
«Mahalla obod — yurt obod» shiori ostida o‘tkazilayotgan hashar davomida mahallalar, aholi turar joylari, xiyobonlar, istirohat bog‘lari, ziyoratgohlar va qabristonlar hamda boshqa joylar obodonlashtirilmoqda.
Mazkur hashar tadbirlarida barcha vazirlik va idoralar hamda tashkilotlarning xodimlari ham faol ishtirok etishmoqda.
Hususan, Milliy gvardiya bo‘linmalarida ham hashar ishlari hamjixatlikda bo‘lib o‘tmoqda. Atrof muhit obodonlashtirilib, mahalalarda yordamga muxtoj aholi qatlamiga ko‘mak ko‘rastilib, ularning holidan xabar olinmoqda.
Shu bilan birga Milliy gvardiya psixolog-inspektori tomonidan ham o‘zlariga biriktirilgan maktablarda o‘quv yili oldidan maktab hududi chiroyi uchun mahalla yettiligi bilan birga hashar tadbirlari uyushtirilmoqda.
Shuni taʼkidlashimiz kerakki, barcha hashar tadbirlari davomida jamoat tartibi hamda xavfsizlik qoidalariga rioya qilinishi taʼminlanmoqda.
