Respublikamiz bo‘ylab “Xavfsiz hudud” profilaktik tadbirlari doirasidagi hamkorlikdagi ishlar davom ettirilmoqda
Jizzax shahrida jamoat tartibotini saqlash, fuqarolar xavfsizligini taʼminlash, jinoyat va huquqbuzarliklarni oldini olish, hamda tungi vaqtlarda jamoat joyi va ko‘ngilochar maskanlarda osoyishtalikni saqlash borasidagi profilaktik ishlarni samaradorligini oshirishga qaratilgan uchrashuv bo‘lib o‘tdi. Unda, viloyat IIB boshlig‘i G‘.Qodirov, Milliy gvardiya Qo‘mondoni o‘rinbosari S.Mamayusupov, viloyat prokurorining o‘rinbosari hamda hamkor tashkilotlar mutasaddi rahbarlari ishtirok etishdi va tasdiqlangan qo‘shma qarorga asosan amalga oshirilayotgan hamkorlikdagi ishlar muhokama qilindi.
Shuningdek, joylarga chiqqan holda tungi vaqtdagi Milliy gvardiya qo‘riqlash bo‘linmalarining tezkor harakatlanuvchi guruhlarining shaylik holati, Ichki ishlar organlari, mahalla huquq tartibot maskanlari va tayanch punktlari faoliyati, ularda tungi navbatchilikni tashkil etilganligi va aholi murojaatlarini qabul qilinishi va tezkor chora-tadbirlar ko‘rilishi, jamoat xavfsizligini taʼminlash bo‘yicha hamkorlikdagi ishlarning amaliy ijrosi o‘rganildi.
