Республикамиз бўйлаб “Хавфсиз ҳудуд” профилактик тадбирлари доирасидаги ҳамкорликдаги ишлар давом эттирилмоқда
Жиззах шаҳрида жамоат тартиботини сақлаш, фуқаролар хавфсизлигини таъминлаш, жиноят ва ҳуқуқбузарликларни олдини олиш, ҳамда тунги вақтларда жамоат жойи ва кўнгилочар масканларда осойишталикни сақлаш борасидаги профилактик ишларни самарадорлигини оширишга қаратилган учрашув бўлиб ўтди. Унда, вилоят ИИБ бошлиғи Ғ.Қодиров, Миллий гвардия Қўмондони ўринбосари С.Мамаюсупов, вилоят прокурорининг ўринбосари ҳамда ҳамкор ташкилотлар мутасадди раҳбарлари иштирок этишди ва тасдиқланган қўшма қарорга асосан амалга оширилаётган ҳамкорликдаги ишлар муҳокама қилинди.
Шунингдек, жойларга чиққан ҳолда тунги вақтдаги Миллий гвардия қўриқлаш бўлинмаларининг тезкор ҳаракатланувчи гуруҳларининг шайлик ҳолати, Ички ишлар органлари, маҳалла ҳуқуқ тартибот масканлари ва таянч пунктлари фаолияти, уларда тунги навбатчиликни ташкил этилганлиги ва аҳоли мурожаатларини қабул қилиниши ва тезкор чора-тадбирлар кўрилиши, жамоат хавфсизлигини таъминлаш бўйича ҳамкорликдаги ишларнинг амалий ижроси ўрганилди.
