Respublikamiz bo‘ylab Milliy gvardiya, IIO va FVV xodimlari hamkorligidagi reyd tadbirlari davom etmoqda
- Milliy gvardiya Farg‘ona viloyati bo‘yicha boshqarmasining Qo‘qon shahrida joylashgan savdo komplekslariga jamoat tartibini saqlash xizmatiga jalb etilgan xodimlar tomonidan joriy yilning 21 may kuni yashash xonadonidan chiqib ketib qaytib kelmagan, Qo‘qon shahrida istiqomat qiluvchi 32 yoshli fuqaro X.Mahkamov aniqlanib, shahar IIBga belgilangan tartibda topshirildi.
- Qo‘qon shahar Istiqlol savdo kompleksida Dang‘ara tumanida yashovchi 27 yoshli M.Tojiboyeva o‘ziga tegishli bo‘lgan Samsung rusumli uyali aloqa vositasini yo‘qotib qo‘yganligi murojaati yuzasidan o‘z vaqtida olib borilgan tadbirlar natijasida uyali aloqa vositasi topilib fuqaroga topshirildi.
- Milliy gvardiya Namangan viloyati bo‘yicha boshqarmasi harbiy xizmatchilari hamda viloyat Favqulodda vaziyatlar boshqarmasi xodimlari bilan hamkorlikda Namangan shahrining bozorlari hamda istirohat bog‘larida ekologiya sohasiga doir huquqbuzarliklarni oldini olish va huquqbuzarlikka yo‘l qo‘ygan shaxslarga nisbatan qonuniy choralar ko‘rish yuzasidan kuchaytirilgan tartibda reyd tadbirlarini olib borishdi. O‘tkazilgan reyd tadbiri davomida bir qator shaxslarga ogohlantirishlar berildi hamda MJtKning tegishli moddalariga asosan mamuriy bayonnomalar rasmiylashtirildi.
