Respublika miqyosida “Yangi Oʻzbekiston armiyasi mamlakat qudrati, yuksak gʻurur va sadoqat timsolidir!” shiori ostidagi harbiy-vatanparvarlik tadbirlari oʻtkazilmoqda.
Yosh avlodning har tomonlama maʼnan va jismonan chuqur aqliy bilimga ega boʻlishlari uchun yurtimizda barcha qulay imkoniyatlar yaratib berilgan. Yoshlarimizning ushbu imkoniyatlardan unumli foydalangan holda harbiy-vatanparvarlik ruhida kamol topib, kasb tanlashda adashmasdan, bilimlarni toʻliq oʻzlashtirishlarida esa, yurtimiz himoyachilarining ham oʻrni beqiyos.
Respublikamiz boʻylab Milliy gvardiya harbiy xizmatchi va xodimlari tomonidan umumiy oʻrta taʼlim maktab oʻquvchilari hamda Oilaviy bolalar uyi tarbiyalanuvchilarini Milliy gvardiyaning shakllanish va rivojlanish tarixi bilan tanishtirish maqsadida “Ochiq eshiklar kuni” tashkil etildi.
Yoshlarni nazariy bilim va amaliy koʻnikmalarini oshirish va dunyoqarashlarini yuksaltirish, ularda Ona-Vatanga boʻlgan muhabbat tuygʻusini oshirish maqsadida namoyish etilgan harbiylar ishtirokidagi jangovar chiqishlar, saf elementlari, xizmat itlarining chiqishlari hamda harbiy orkestr ijrosida konsert dasturlari yoshlarda katta taʼsirot qoldirdi
Shuningdek, harbiy qism boʻylab sayohat tashkil etilib, anjom-aslahalar hamda harbiy texnikalar namoyishi boʻlib oʻtdi. Shuningdek, yoshlar harbiy xizmatchilar uchun yaratilgan imkoniyatlar, sohadagi yutuqlar, xodimlarning sportda va faoliyatda erishgan yutuqlari bilan yaqindan tanishtirildi.
