Республика миқёсида “Янги Ўзбекистон армияси мамлакат қудрати, юксак ғурур ва садоқат тимсолидир!” шиори остидаги ҳарбий-ватанпарварлик тадбирлари ўтказилмоқда.
Ёш авлоднинг ҳар томонлама маънан ва жисмонан чуқур ақлий билимга эга бўлишлари учун юртимизда барча қулай имкониятлар яратиб берилган. Ёшларимизнинг ушбу имкониятлардан унумли фойдаланган ҳолда ҳарбий-ватанпарварлик руҳида камол топиб, касб танлашда адашмасдан, билимларни тўлиқ ўзлаштиришларида эса, юртимиз ҳимоячиларининг ҳам ўрни беқиёс.
Республикамиз бўйлаб Миллий гвардия ҳарбий хизматчи ва ходимлари томонидан умумий ўрта таълим мактаб ўқувчилари ҳамда Оилавий болалар уйи тарбияланувчиларини Миллий гвардиянинг шаклланиш ва ривожланиш тарихи билан таништириш мақсадида “Очиқ эшиклар куни” ташкил этилди.
Ёшларни назарий билим ва амалий кўникмаларини ошириш ва дунёқарашларини юксалтириш, уларда Она-Ватанга бўлган муҳаббат туйғусини ошириш мақсадида намойиш этилган ҳарбийлар иштирокидаги жанговар чиқишлар, саф элементлари, хизмат итларининг чиқишлари ҳамда ҳарбий оркестр ижросида концерт дастурлари ёшларда катта таъсирот қолдирди
Шунингдек, ҳарбий қисм бўйлаб саёҳат ташкил этилиб, анжом-аслаҳалар ҳамда ҳарбий техникалар намойиши бўлиб ўтди. Шунингдек, ёшлар ҳарбий хизматчилар учун яратилган имкониятлар, соҳадаги ютуқлар, ходимларнинг спортда ва фаолиятда эришган ютуқлари билан яқиндан таништирилди.
