Respublikamiz bo‘ylab "Yashil makon" umummilliy loyihasi doirasidagi ko‘kalamzorlashtirish ishlari davom etmoqda. Xususan, Milliy gvardiya bo‘linmalari tomonidan Buxoro va Farg‘ona viloyatlarida ham yashil bog‘lar barpo etildi.
Davlatimiz rahbari tashabbusi bilan eʼlon qilingan "Yashil makon" umummilliy loyihasiga binoan amalga oshirilayotgan ishlar natijasida yurtimizning ko‘plab hududlari gullab-yashnamoqda. Milliy gvardiya Buxoro viloyati bo‘yicha boshqarmasi tomonidan viloyat Chavandozlar maktabi hududida 1 gektar maydonda "Yashil makon" bog‘i yaratildi.
Dastlab ushbu hududda qishloq xo‘jaligi texnikalari yordamida yerlarga ishlov berilib, obodonlashtirildi. Shundan so‘ng, yer maydoniga harbiy xizmatchilar tomonidan mevali va manzarali daraxt ko‘chatlari ekilib, bog‘ yaratildi.
Shu bilan birga, “Yashil makon” umummilliy dasturiga zamin yaratish va boshqa hududlarga ham daraxt ekish ishlarini amalga oshirish maqsadida 2000 dona manzarali ko‘chatlarining qalamchalari ekilib, parvarish qilinmoqda.
Shuningdek, Milliy gvardiya Farg‘ona viloyati bo‘yicha boshqarmasi viloyat Harbiy prokuraturasi bilan hamkorlikda 19 gektarli Milliy gvardiya Farg‘ona viloyati bo‘yicha boshqarmasi Chavandozlar maktabi hududida jami 2 gektar maydonga turli manzarali va mevali mingdan ziyod ko‘chatlar ekildi.
Farg‘ona mintaqaviy o‘quv markazida xam bu kabi ezgu amallan harbiy xizmatchilar tomonidan uyushqoqlik bilan davom etib kelmoqda.
(Maʼlumot uchun: tadbir davomida 805 tup manzarali daraxt ko‘chatlari, 5065 dona terak daraxti qalamchalari va 3585 dona kashtan daraxti urug‘lari ekildi)
Eʼtirof etish joizki, mazkur tadbirlardan ko‘zlangan maqsad tabiatda yashillikni ko‘paytirish, ob-havoning tozaligi, iqlim moʻtadilligini saqlash, bog‘dorchilik mahsulotlarining mo‘lligini taʼminlashga hissa qo‘shishdan iborat.
