Respublikamiz bo‘ylab “Biz bir bo‘lsak - yagona xalqmiz, birlashsak - Vatanmiz!” shiori ostidagi yoshlar “Maʼnaviyat marafoni” bo‘lib o‘tmoqda.
Milliy gvardiya Toshkent shahri bo‘yicha boshqarmasining poytaxtimizdagi harbiy qismlardan birida Chilonzor va Uchtepa tumanlari maktablari o‘quvchi yoshlari uchun “Maʼnaviyat marafoni” doirasida “Ajdodlar mardona ruhi senga yor!” shiori ostida ochiq eshiklar kuni tadbiri o‘tkazildi. Unda yoshlar bilan birgalikda buyuk ajdodlarimiz Jaloliddin Manguberdi, Amir Temur merosi, jasorati haqida davra suhbati tashkil etildi.
Ushbu tadbir doirasida o‘quvchi yoshlarga buyuk sarkardalar Jaloliddin Manguberdi, Amir Temur bobolarimizning hayoti va ularning harbiy sanʼati to‘g‘risida maʼlumotlar berildi. Shuningdek, ular muddatli harbiy xizmatchilar bilan mazkur mavzuda fikr almashdilar.
Tadbir so‘ngida o‘quvchi yoshlar muddatli harbiy xizmatchilarga yaratilgan shart-sharoitlar bilan tanishtirildi.
