SAKSOVUL O‘SIMLIGINI NOQONUNIY KESISH BILAN SHUG‘ULLANGANLAR QO‘LGA OLINDI.
Respublikamizda Milliy gvardiya, IIV hamda Ekologiya va atrof muhitni muhofaza qilish boshqarmasi hamkorligida muhofaza etiladigan tabiiy hududlar rejimiga rioya etilishi hamda o‘simlik va hayvonot dunyosini muhofaza qilish, ulardan oqilona foydalanish sohasida davlat ekologiya nazoratini amalga oshirish bo‘yicha reyd tadbirlari davom etmoqda.
Buxoro viloyati Peshko‘ tumani cho‘l hududlarida olib borilgan reyd tadbirlari davomida fuqarolar M.M. hamda Z.M. o‘zlariga tegishli “GAZ-53” rusumli ikkita avtomashinada har biri uch nafardan yollanma ishchi yollab, saksovul o‘simligini chopib, olib ketayotgan vaqtda tadbir ishtirokchilari tomonidan to‘xtatilganda ular voqea joyidan qochishga uringan. Biroq tezkor say harakatlar natijasida Jondor tumanining Moxoncho‘l hududida qo‘lga olingan hamda tegishli tartibda rasmiylashtirilgan.
Yuqorida qayd etilgan holatlar yuzasidan Buxoro viloyati O‘rmon xo‘jaligi boshqarmasi xodimlari tomonidan tabiatga yetkazilgan zarar miqdorini aniqlanganda, ushbu ko‘rsatgichlar 36 000 000 (o‘ttiz olti million) so‘mni ko‘rsatmoqda.
Mazkur holat bo‘yicha fuqarolar — M.M. hamda Z.M.ga nisbatan Maʼmuriy javobgarlik to‘g‘risidagi kodeksning tegishli moddalari bilan maʼmuriy bayonnoma rasmiylashtirildi.
