САКСОВУЛ ЎСИМЛИГИНИ НОҚОНУНИЙ КЕСИШ БИЛАН ШУҒУЛЛАНГАНЛАР ҚЎЛГА ОЛИНДИ.
Республикамизда Миллий гвардия, ИИВ ҳамда Экология ва атроф муҳитни муҳофаза қилиш бошқармаси ҳамкорлигида муҳофаза этиладиган табиий ҳудудлар режимига риоя этилиши ҳамда ўсимлик ва ҳайвонот дунёсини муҳофаза қилиш, улардан оқилона фойдаланиш соҳасида давлат экология назоратини амалга ошириш бўйича рейд тадбирлари давом этмоқда.
Бухоро вилояти Пешкў тумани чўл ҳудудларида олиб борилган рейд тадбирлари давомида фуқаролар М.М. ҳамда З.М. ўзларига тегишли "ГАЗ-53" русумли иккита автомашинада ҳар бири уч нафардан ёлланма ишчи ёллаб, саксовул ўсимлигини чопиб, олиб кетаётган вақтда тадбир иштирокчилари томонидан тўхтатилганда улар воқеа жойидан қочишга уринган. Бироқ тезкор сай ҳаракатлар натижасида Жондор туманининг Мохончўл ҳудудида қўлга олинган ҳамда тегишли тартибда расмийлаштирилган.
Юқорида қайд этилган ҳолатлар юзасидан Бухоро вилояти Ўрмон хўжалиги бошқармаси ходимлари томонидан табиатга етказилган зарар миқдорини аниқланганда, ушбу кўрсатгичлар 36 000 000 (ўттиз олти миллион) сўмни кўрсатмоқда.
Мазкур ҳолат бўйича фуқаролар — М.М. ҳамда З.М.га нисбатан Маъмурий жавобгарлик тўғрисидаги кодекснинг тегишли моддалари билан маъмурий баённома расмийлаштирилди.
