O‘zbekiston Respublikasi Sportni rivojlantirish vazirligining hamda O‘zbekiston Triatlon federatsiyasining kalendar-rejasiga asosan, 2024 yilning 6-8 sentyabr kunlari Samarqand shahrida sportning Triatlon turi bo‘yicha professional va havaskor sportchilar o‘rtasida O‘zbekiston chempionati hamda “Challenge Samarqand 2024” Xalqaro musobaqasi o‘tkazildi.

Mazkur musobaqada O‘zbekiston Respublikasi Milliy gvardiyasi terma jamoasi ham muvaffaqiyatlili ishtirok etdi.

Unda Jamoat xavfsizligi Universiteti ofitseri katta leytenant Alina Xakimova professional sportchilar o‘rtasida O‘zbekiston chempionatida shaxsiy birinchiligida sprint masofada (suzish - 750 metr, velopoyga -

20 km, yugurish – 5 km) faxrli 1-o‘rinni, “Challenge Samarqand 2024” Xalqaro musobaqasida (suzish - 1900 metr, velopoyga - 86 km, yugurish – 21.5 km) 4-o‘rinni egalladi.

Milliy gvardiya Samarqand viloyati Qo‘riqlash boshqarmasi, nazoratchisi Baxriddin Umaraliyev havaskor erkak sportchilar o‘rtasida shaxsiy birinchiligida sprint masofada faxrli 1-o‘rinni, Namangan viloyati Qo‘riqlash boshqarmasi, safdor xodimi Oydina Ikramova havaskor ayol sportchilar o‘rtasida shaxsiy birinchiligida sprint masofada faxrli 2-o‘rinni qo‘lga kiritishdi.

Jamoaviy birinchilikda ham Milliy gvardiya terma jamoasi yuqori natija ko‘rsatib, (serjant N.Kurbonov – 750 metrga suzish, safdor E.Tuleimbetov – 5 km yugurish hamda kichik serjant M.Toshtemirov – 20 km velopoyga) faxrli 2-o‘ringa sazovor bo‘lishdi. G‘olib va sovrindor sportchilar Milliy gvardiya qo‘mondoni buyrug‘i bilan munosib rag‘batlantirildi.