Самарқанд шаҳрида спортнинг Триатлон тури бўйича Ўзбекистон чемпионати ҳамда “Challenge Samarqand 2024” Халқаро мусобақасида Миллий гвардия терма жамоаси муваффақиятлили иштирок этди
Ўзбекистон Республикаси Спортни ривожлантириш вазирлигининг ҳамда Ўзбекистон Триатлон федерациясининг календарь-режасига асосан, 2024 йилнинг 6-8 сентябрь кунлари Самарқанд шаҳрида спортнинг Триатлон тури бўйича профессионал ва ҳаваскор спортчилар ўртасида Ўзбекистон чемпионати ҳамда “Challenge Samarqand 2024” Халқаро мусобақаси ўтказилди.
Мазкур мусобақада Ўзбекистон Республикаси Миллий гвардияси терма жамоаси ҳам муваффақиятлили иштирок этди.
Унда Жамоат хавфсизлиги Университети офицери катта лейтенант Алина Хакимова профессионал спортчилар ўртасида Ўзбекистон чемпионатида шахсий биринчилигида спринт масофада (сузиш - 750 метр, велопойга -
20 км, югуриш – 5 км) фахрли 1-ўринни, “Challenge Samarqand 2024” Халқаро мусобақасида (сузиш - 1900 метр, велопойга - 86 км, югуриш – 21.5 км) 4-ўринни эгаллади.
Миллий гвардия Самарқанд вилояти Қўриқлаш бошқармаси, назоратчиси Бахриддин Умаралиев ҳаваскор эркак спортчилар ўртасида шахсий биринчилигида спринт масофада фахрли 1-ўринни, Наманган вилояти Қўриқлаш бошқармаси, сафдор ходими Ойдина Икрамова ҳаваскор аёл спортчилар ўртасида шахсий биринчилигида спринт масофада фахрли 2-ўринни қўлга киритишди.
Жамоавий биринчиликда ҳам Миллий гвардия терма жамоаси юқори натижа кўрсатиб, (сержант Н.Курбонов – 750 метрга сузиш, сафдор Э.Тулеимбетов – 5 км югуриш ҳамда кичик сержант М.Тоштемиров – 20 км велопойга) фахрли 2-ўринга сазовор бўлишди. Ғолиб ва совриндор спортчилар Миллий гвардия қўмондони буйруғи билан муносиб рағбатлантирилди.
