Samarqand viloyati Toyloq tumanida Bolalar va o‘smirlar sport maktabida yoshlar o‘rtasida sportning Taekvondo-WTF turi bo‘yicha viloyat chempionati o‘tkazildi.
Kuni kecha Samarqand viloyati Toyloq tumani Bolalar va o‘smirlar sport maktabida yoshlar o‘rtasida sog‘lom turmush tarzini keng tatbiq etish va ommaviy sportni yana-da rivojlantirish maqsadida sportning Taekvondo-WTF turi bo‘yicha Milliy Gvardiya Samarqand viloyati boshqarmasi, viloyat jismoniy tarbiya va sport boshqarmasi, Taekvondo-WTF federatsiyasi hamda Toyloq tumani hokimligi bilan hamkorlikda 2004-2006 va 2007-2009 yillarda tug‘ilgan o‘g‘il-qizlar o‘rtasida viloyat chempionati o‘tkazildi. Musobaqada Samarqand shahar va tuman sport to‘garaklari o‘quvchi yoshlari 40 ta vazn toifasida kuch sinashdilar. Tadbir yakunida g‘oliblar tomonidan esdalik sovg‘alar, diplom va medallar bilan taqdirlandi. Umumjamoa hisobida birinchi o‘rinni-Dinamo sport jamiyatiga qarashli TAEM “EDENOBORSTV” jamoasi, ikkinchi o‘rinni-Samarqand shahar BO‘SM jamoasi va uchinchi o‘rinni-Toyloq tumani BO‘SM jamoasi qo‘lga kiritdi.
