Samarqand viloyati Qo‘riqlash boshqarmasi xodimlariga harbiy unvonlar topshirildi
Milliy gvardiya Samarqand viloyati bo‘yicha boshqarmasi hamda Qo‘riqlash boshqarmasi rahbariyati ishtirokida 41 nafar Qo‘riqlash xizmati xodimlariga dastlabki leytenant unvonlari tantanali ravishda topshirildi.
Bunda asosan xodimlarning sohaga oid egallagan bilim va ko‘nikmalariga alohida eʼtibor qaratilib, jismoniy tayyorgarliklari maxsus sinovlardan o‘tkazildi.
Mazkur tantanali marosimda Milliy gvardiya boshqarmasi boshlig‘i polkovnik L.Yaxshilikov va Qo‘riqlash boshqarmasi boshlig‘i podpolkovnik R.Namozov ishtirok etib, ofitserlarga o‘zlarining samimiy tabriklarini yo‘llashdi.
Shuningdek, tadbirda so‘z olgan rahbariyat tomonidan tizimda olib borilayotgan islohotlar, yangiliklar haqida so‘z yuritib, xodimlarni xizmat intizomiga qatʼiy rioya qilish, o‘z ustida tinimsiz o‘qib - izlanishlari muhim ekanligi taʼkidlandi.
Tadbir davomida xodimlarning ota - onalari va oila aʼzolari ham yaqinlarini mazkur unvonlar bilan chin qalbdan qutlashdi.
