⚡️ Yetim va ota-ona qaramog'idan mahrum bo'lgan bolalarni davlat tomonidan qo'llab-quvvatlash tizimini takomillashtirishdagi faol ishtiroki uchun bir guruh harbiy xizmatchilar shuningdek, hamkor tashkilot va idora vakillari O'zbekiston Respublikasi Milliy gvardiyasi qo'mondonligi tomonidan taqdirlandi / Milliy gvardiya Buxoro viloyati bo'yicha boshqarmasi harbiy xizmatchilari va xodimlari o'rtasida kitobxonlik madaniyatini oshirish maqsadida "Yosh kitobxon" tanlovi o'tkazildi / "Mehribonlik": Andijon viloyatida yana bir oilaviy Mehribonlik uyi o`z faoliyatini boshladi / Toshkent shahridagi 30-Mehribonlik uyi tarbiyalanuvchilari uchun Jamoat xavfsizligi universitetida ekskursiya tashkil etildi

SERJANTLAR-MILLIY ARMIYAMIZNING TAYANCHI VA SUYANCHI

Joriy yilning 23 noyabr kuni Milliy gvardiya Ixtisoslashtirilgan o‘quv markazida “Serjantlar forumi” bo‘lib o‘tdi.

Mazkur anjumanda Milliy gvardiya qo‘mondonining yoshlar masalalari bo‘yicha o‘rinbosari, polkovnik S.Mamayusupov, O‘zbekiston xalq artisti T.Mo‘minov va shuningdek, Milliy gvardiyaning barcha hududiy boshqarmalaridan harbiy xizmatchi va xodimlar onlayn tarzda ishtirok etdi.

Tadbir avvalida “Serjantlar-milliy armiyamizning tayanchi va suyanchi. Serjantlar tarkibiga qo‘yiladigan zamonaviy talablar” mavzusida qo‘mondon o‘rinbosari nutq so‘zladi.

Shundan so‘ng, forum ishtirokchilari o‘zlariga biriktirilgan mavzular bo‘yicha maʼruzalarni zamonaviy texnikalardan foydalangan holda namoyish qilishdi.

Kichik komandirlar o‘z maʼruzalarida xizmat faoliyati davomida duch kelishi mumkin bo‘lgan holatlar, ularda mustaqil qaror qabul qilish ko‘nikmalari, yoshlarni vatanparvarlik ruhida tarbiyalashda tizimda faoliyat yuritayotgan serjantlarning o‘rni va roli, ularning sport sohasidagi ilg‘or tajribalari jahon va xalqaro arenalardagi faoliyati hamda yaratilayotgan shart-sharoitlar haqida batafsil maʼlumotlar berib o‘tdi.

Tadbir so‘ngida, serjantlar kengashlarining faoliyati sarhisob etilib, kelgusi 2022 yilda bajarilishi lozim bo‘lgan rejalar belgilab olindi va forumda faol qatnashgan bir guruh ishtirokchilar Milliy gvardiya qo‘mondonligi tomonidan minnatdorchilik va tashakkurnomalar bilan rag‘batlantirildi.

 

Belgilangan matnni tinglash uchun quyidagi tugmani bosing Powered by GSpeech