Sirdaryo viloyatida respublika ishchi guruhi tomonidan, aholining muammolarini o‘rganishga va yechimini topishga, shuningdek kriminogen vaziyat barqarorligini taʼminlashga alohida eʼtibor qaratildi. Ayollar hamda yoshlarning bandligini taʼminlash borasida esa mahallada shakllantirilgan hamkorlik masalalari o‘rganilib ularga amaliy yordam ko‘rsatildi.
Mahallalarda aholi muammolarini o‘rganish va hal etish, bandlikni taʼminlash, oilalarni mustahkamlash, maʼnaviyat va maʼrifat, yoshlar tarbiyasi, kabi yo‘nalishlarda olib borilayotgan ishlar holatini o‘rganish bo‘yicha Respublika ishchi guruhi tomonidan Sirdaryo viloyati Sardoba, Oqoltin, Xovos tumanlarida Mahalla yettiligi xodimlari faoliyati o‘rganildi. Ishchi guruh vakillari va tuman hokimlari hamda tumani sektor rahbarlari boshchiligida “Mahalla yettiligi” faoliyati bilan bog‘liq muammolarni o‘rganish va tahlil qilish bo‘yicha tumandagi MFY raislari, hokim yordamchilar, profilaktika inspektorlari, soliq inspektorlari, xotin-qizlar faoli, yoshlar yetakchilari, mahalla yettilik xodimlari ishtirokida o‘quv-seminari o‘tkazildi. Shuningdek Ishchi guruh vakillari tuman hokimlari dastlab Sardoba tumanining Quyi tosh va Oqoltin tumanining Shodlik mahallasida bo‘lib mahalla yettiligi bilan amalga oshirgan ishlari, huquqbuzarliklar profilaktikasi, ijtimoiy himoyaga muhtoj qatlam vakillarining ahvolini o‘rganish, yoshlarning o‘qitilish va bandligini taʼminlash hamda o‘zini-o‘zi band qilgan va ishchi o‘rni yaratgan tadbirkorlar bilan suhbatlashib ularning faoliyatini kengaytirish va rivojlantirish bo‘yicha o‘z tavsiyalarini berishdi. Shu bilan birga ijtimoiy himoyaga muhtoj qatlam vakillarini muammolari joyida ijobiy hal etishga qaratilgan tizimli ishlar olib borildi. Ishchi guruh o‘rganishlari Xovos tumanida ham olib borildi. Bu yerda Ishchi guruh vakillari va tuman xokimi va sektor rahbarlari bilan birgalikda Xovos tumani “Inson” ijtimoiy xizmatlar markazi faoliyati bilan tanishishdi. O‘rganish jarayonida Do‘stlik va Binokor hamda Oqchangal mahallalarida bo‘lishib u yerdagi mavjud muammolar o‘rganilib, bir guruh fuqarolarga reabilitatsiya vositalari va qandolatchilik uskunalari topshirildi. Ushbu tumanlardagi 4- va 1- hamda 18- sonli umumiy o‘rta taʼlim maktablarida Milliy gvardiya Sirdaryo viloyati bo‘yicha boshqarmasi va viloyat Qo‘riqlash boshqarmasi tomonidan yosh avlodni vatan taqdiriga daxldorlik ruhida tarbiyalash, erkin fikrlaydigan, mustahkam bilimli, mamlakat va o‘z oilasi farovonligini yana-da rivojlantirish orzusida bo‘lgan yoshlarni tarbiyalash, yoshlarni jismoniy qobiliyatlarini yana-da oshirish, Vatan himoyasi sharafli kasb ekanligini yoshlar qalbiga singdirish maqsadida vatanparvarlik tadbirlari ham o‘tkazildi.
