Сирдарё вилоятида республика ишчи гуруҳи томонидан, аҳолининг муаммоларини ўрганишга ва ечимини топишга, шунингдек криминоген вазият барқарорлигини таъминлашга алоҳида эътибор қаратилди. Аёллар ҳамда ёшларнинг бандлигини таъминлаш борасида эса маҳаллада шакллантирилган ҳамкорлик масалалари ўрганилиб уларга амалий ёрдам кўрсатилди.
Маҳаллаларда аҳоли муаммоларини ўрганиш ва ҳал этиш, бандликни таъминлаш, оилаларни мустаҳкамлаш, маънавият ва маърифат, ёшлар тарбияси, каби йўналишларда олиб борилаётган ишлар ҳолатини ўрганиш бўйича Республика ишчи гуруҳи томонидан Сирдарё вилояти Сардоба, Оқолтин, Ховос туманларида Маҳалла еттилиги ходимлари фаолияти ўрганилди. Ишчи гуруҳ вакиллари ва туман ҳокимлари ҳамда тумани сектор раҳбарлари бошчилигида “Маҳалла еттилиги” фаолияти билан боғлиқ муаммоларни ўрганиш ва таҳлил қилиш бўйича тумандаги МФЙ раислари, ҳоким ёрдамчилар, профилактика инспекторлари, солиқ инспекторлари, хотин-қизлар фаоли, ёшлар етакчилари, маҳалла еттилик ходимлари иштирокида ўқув-семинари ўтказилди. Шунингдек Ишчи гуруҳ вакиллари туман ҳокимлари дастлаб Сардоба туманининг Қуйи тош ва Оқолтин туманининг Шодлик маҳалласида бўлиб маҳалла еттилиги билан амалга оширган ишлари, ҳуқуқбузарликлар профилактикаси, ижтимоий ҳимояга муҳтож қатлам вакилларининг аҳволини ўрганиш, ёшларнинг ўқитилиш ва бандлигини таъминлаш ҳамда ўзини-ўзи банд қилган ва ишчи ўрни яратган тадбиркорлар билан суҳбатлашиб уларнинг фаолиятини кенгайтириш ва ривожлантириш бўйича ўз тавсияларини беришди. Шу билан бирга ижтимоий ҳимояга муҳтож қатлам вакилларини муаммолари жойида ижобий ҳал этишга қаратилган тизимли ишлар олиб борилди. Ишчи гуруҳ ўрганишлари Ховос туманида ҳам олиб борилди. Бу ерда Ишчи гуруҳ вакиллари ва туман хокими ва сектор раҳбарлари билан биргаликда Ховос тумани “Инсон” ижтимоий хизматлар маркази фаолияти билан танишишди. Ўрганиш жараёнида Дўстлик ва Бинокор ҳамда Оқчангал маҳаллаларида бўлишиб у ердаги мавжуд муаммолар ўрганилиб, бир гуруҳ фуқароларга реабилитация воситалари ва қандолатчилик ускуналари топширилди. Ушбу туманлардаги 4- ва 1- ҳамда 18- сонли умумий ўрта таълим мактабларида Миллий гвардия Сирдарё вилояти бўйича бошқармаси ва вилоят Қўриқлаш бошқармаси томонидан ёш авлодни ватан тақдирига дахлдорлик руҳида тарбиялаш, эркин фикрлайдиган, мустаҳкам билимли, мамлакат ва ўз оиласи фаровонлигини янада ривожлантириш орзусида бўлган ёшларни тарбиялаш, ёшларни жисмоний қобилиятларини янада ошириш, Ватан ҳимояси шарафли касб эканлигини ёшлар қалбига сингдириш мақсадида ватанпарварлик тадбирлари ҳам ўтказилди.
