Sirdaryo viloyatida Milliy gvardiya harbiy xizmatchilarining jangovar shayligi va axloqiy-ruhiy tayyorgarligini mustahkamlashga qaratilgan o‘quv mashg‘uloti o‘tkazildi.
Sirdaryo viloyatidagi dala o‘quv maydonida harbiy xizmatchilarni axloqiy-ruhiy tayyorgarligini oshirish va jangovar ruhini mustahkamlashga qaratilgan o‘quv mashg‘uloti o‘tkazilib unda harbiy xizmatchilarning turli murakkab va og‘ir vaziyatlarga nisbatan ruhiy bardoshliligini oshirishga alohida eʼtibor qaratildi.
Shuningdek, ularning emotsional holatlarni yengib o‘tishlari uchun o‘zlariga bo‘lgan ishonchni mustahkamlash borasida mutaxassis psixologlar tomonidan trening mashg‘ulotlari olib borildi va turli to‘siqlardan o‘tish orqali amaliy jangovar mashg‘ulotlarda sinab ko‘rildi.
Mazkur jarayonlarda Milliy gvardiya markaziy devoni masʼul ofitserlari ishtirok etishib, mashg‘ulot davomida harbiy xizmatchilarning tayyorgarlik darajasini baholab borishdi.
Mashg‘ulotlarni muddatli harbiy xizmatchilar ham kuzatish imkoniyatiga ega bo‘lishib, o‘zlariga zarur bilim va ko‘nikmalar hosil qilishdi.
