Sirdaryo viloyatida o‘quvchi yoshlar ishtirokida ochiq eshiklar kuni tashkil etildi
Yurtimiz kelajagi bo‘lmish har bir o‘sib kelayotgan yoshlarning hayotda munosib o‘rin egallashi ayni vaqtda jamiyat va davlatning doimiy eʼtiboridagi ustuvor vazifa hisoblanadi. Yoshlarni kasb tanlashga yo‘naltirish, jamiyatda o‘z o‘rnini topish esa muhim ahamiyat kasb etadi.
Milliy gvardiya Sirdaryo viloyati bo‘yicha boshqarmasida Mirzaobod tumani 22- sonli umumtaʼlim maktabining 10-11 sinf o‘quvchilari uchun "Ochiq eshiklar" kuni tashkil etildi.
Yoshlar bilan o‘tkazilgan ushbu tadbir davomida harbiy xizmatchilar tomonidan harbiy anjom-aslahalar bilan yaqindan tanishtirildi. Shuningdek, o‘quvchi yoshlar harbiy xizmatchilarga yaratilgan sharoitlari bilan yaqindan tanishish imkoniyatiga ega bo‘ldilar. Bu esa o‘z o‘rnida yosh avlodda harbiy kasbga bo‘lgan qiziqishlarini yana-da ortishiga sabab bo‘ldi.
