SIRDARYO VILOYATIDA "YANGI O‘ZBEKISTON YOSHLARI BIRLASHAYLIK" SHIORI OSTIDA YoSHLAR FESTIVALI BO‘LIB O‘TDI
Bugun hayojonli kun. Sababi Sirdaryo viloyati Sirdaryo tumanida joylashgan Hikmatli mahallasida "Yangi O'zbekiston yoshlari birlashaylik" shiori ostida o'tkazilayotgan festivalga tayyorgarlik qizg'in tus olmoqda. Yoshlar sportning stol tennis, kamondan o'q otish, shaxmat-shashka, badminton, o'zbek jang san'ati, taekwondo, kurash, tosh ko'tarish va bahodirlar o'yinlari, yurish, yugurish, voleybol, velosport va armrestling turlaridan sport musobaqalarida g'oliblik uchun jon-jahdlari bilan tayyorgarlik ko'rishmoqda. Respublika ishchi guruhi festival jarayonlarini sport musobaqalari va ko'rgazmali chiqishlarni kuzatishdan boshladi. Yuqori saviyada tashkil etilayotgan ushbu festivalda O'zbekiston, Osiyo, jaxon va Olimpiya ishtirokchilari tashrif buyurdi. Ko'rgazmali chiqishlar va musobaqalar orqali sport turlariga nafaqat mahalla yoshlari, balki sport ustalari ham qatnashish istagini bildirmoqda. Qizg'in tus olgan festival ommaviy yurish marafoniga ulanib ketdi. Yoshlarning bo'sh vaqtidan unumli foydalanish, sportga kengroq qamrab olish, eng muhimi aholi va yoshlar salomatlini mustahkamlash maqsad qilingan. "Sog'liq uchun 5000 qadam" shiori ostida yurish marafonida 1000 dan ortiq nafaqat mahalla yoshlari, balki sog'lig'i borasida qayg'urayotgan tashkilot, korxona xodimlari ham faollikni qo'ldan bermay kelishmoqda. Yurish marafoni o'tkazilishi bilan parallel ravishda ot sport turi hisoblangan uloq-ko'pkari musobaqasi qizg'in tus oldi. Ushbu ko'pkarida tuman yoshlari, qo'shni tuman va shaharlardan chavandozlar ham ishtirok etishmoqda. Mahalladagi yoshlar bilan ishlash masalalarini muvofiqlashtirish bo‘yicha respublika ishchi guruhi Sirdaryo tumanida ish boshladi. "Ishchi guruh" a'zolari tomonidan mahallalardagi yoshlar yetakchilari faoliyatiga ko'maklashish, yoshlar bilan ishlashda mas'ul tashkilotlarning vazifalarini rejali amalga oshirish muhokama qilindi. Mahallalarda yoshlarning bo‘sh vaqtini mazmunli tashkil etish, milliy xalq o‘yinlari va sport turlarini yoshlar orasida ommalashtirish, Besh muhim tashabbus loyihalari, yoshlar festivallari va boshqa madaniy-ma’rifiy tadbirlarni amalga oshirish borasida mas'ul tashkilotlar rahbarlari bilan kelishib olindi. Ushbu ishlarni na'munali tashkil etish hamda o'tkazish uchun tumandagi "Xikmatli" mahallasi tanlab olindi. Sirdaryo tumanining “Xikmatli” mahallasida yoshlarni bo‘sh vaqtlarini mazmunli tashkil etish bo‘yicha tadbirlar bo‘lib o‘tmoqda. Unda, Yoshlar yetakchilari, Toshkent harbiy okrugi MOQB, Sirdaryo viloyati IIB xodimlari, Milliy gvardiya viloyat boshqarmasi harbiy xizmatchilaridan tarkib topgan bo‘linmalar, Mudofaa vazirligi markaziy harbiy orkestrining mahalla ko‘chalari bo‘ylab tantanali yurishi namiyish etildi. Sirdaryo tumanining “Xikmatli” mahallasida yoshlarni bo‘sh vaqtlarini mazmunli tashkil etish bo‘yicha tadbirlar bo‘lib o‘tmoqda. 30-sonli umumta’lim maktabi o‘yingohida Mudofaa vazirligi , IIV hamda Milliy Gvardiya tomonidan mahalla yoshlari uchun zamonaviy harbiy texnika, qurol-aslaha va anjomlar ko‘rgazmasini tashkil etildi. Shuningdek, IIB PPX kinologiya bo‘limi xizmat itlarining ko‘rgazmali chiqishlari barchaga birdek manzur bo‘ldi. “Xalq va armiya bir tanu, bir jondir". Tadbir davomida O‘zbekiston Respublikasi Yoshlar ishlari agentligi direktori Alisher Sadullayev so‘zga chiqib, yurtimizda yoshlar uchun yaratilgan keng imkoniyatlar haqida to‘xtalib o‘tildi.Shuningdek bu kabi tadbir Respublika o‘g‘il bolalar o‘quv tarbiya muassasasida tashkil etilib, uyushmagan yoshlar hamda tarbiyalanuvchilar o‘rtasida sog‘lom turmush tarzini targ‘ib etish maqsadida sportning shaxmat, shashka, kurash, futbol turlari bo‘yicha musobaqa tashkil qilindi. Tadbir davomida tarbiyalanuvchilar tomonidan tashkil etilgan "Mehr" nomli sahna ko‘rinishlari namoyish etildi. Bu kabi tadbir Sirdaryo viloyati bo‘yicha Milliy gvardiya boshqarmasida davom etdi. Xususan, Harbiy qismda ochiq eshiklar kuni tashkil etildi.
