СИРДАРЁ ВИЛОЯТИДА "ЯНГИ ЎЗБЕКИСТОН ЁШЛАРИ БИРЛАШАЙЛИК" ШИОРИ ОСТИДА ЁШЛАР ФЕСТИВАЛИ БЎЛИБ ЎТДИ
Бугун ҳаёжонли кун. Сабаби Сирдарё вилояти Сирдарё туманида жойлашган Ҳикматли маҳалласида "Янги Ўзбекистон ёшлари бирлашайлик" шиори остида ўтказилаётган фестивалга тайёргарлик қизғин тус олмоқда. Ёшлар спортнинг стол теннис, камондан ўқ отиш, шахмат-шашка, бадминтон, ўзбек жанг санъати, таэквондо, кураш, тош кўтариш ва баҳодирлар ўйинлари, юриш, югуриш, волейбол, велоспорт ва армрестлинг турларидан спорт мусобақаларида ғолиблик учун жон-жаҳдлари билан тайёргарлик кўришмоқда. Республика ишчи гуруҳи фестиваль жараёнларини спорт мусобақалари ва кўргазмали чиқишларни кузатишдан бошлади. Юқори савияда ташкил этилаётган ушбу фестивалда Ўзбекистон, Осиё, жахон ва Олимпия иштирокчилари ташриф буюрди. Кўргазмали чиқишлар ва мусобақалар орқали спорт турларига нафақат маҳалла ёшлари, балки спорт усталари ҳам қатнашиш истагини билдирмоқда. Қизғин тус олган фестиваль оммавий юриш марафонига уланиб кетди. Ёшларнинг бўш вақтидан унумли фойдаланиш, спортга кенгроқ қамраб олиш, энг муҳими аҳоли ва ёшлар саломатлини мустаҳкамлаш мақсад қилинган. "Соғлиқ учун 5000 қадам" шиори остида юриш марафонида 1000 дан ортиқ нафақат маҳалла ёшлари, балки соғлиғи борасида қайғураётган ташкилот, корхона ходимлари ҳам фаолликни қўлдан бермай келишмоқда. Юриш марафони ўтказилиши билан параллель равишда от спорт тури ҳисобланган улоқ-кўпкари мусобақаси қизғин тус олди. Ушбу кўпкарида туман ёшлари, қўшни туман ва шаҳарлардан чавандозлар ҳам иштирок этишмоқда. Маҳалладаги ёшлар билан ишлаш масалаларини мувофиқлаштириш бўйича республика ишчи гуруҳи Сирдарё туманида иш бошлади. "Ишчи гуруҳ" аъзолари томонидан маҳаллалардаги ёшлар етакчилари фаолиятига кўмаклашиш, ёшлар билан ишлашда масъул ташкилотларнинг вазифаларини режали амалга ошириш муҳокама қилинди. Маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар орасида оммалаштириш, Беш муҳим ташаббус лойиҳалари, ёшлар фестиваллари ва бошқа маданий-маърифий тадбирларни амалга ошириш борасида масъул ташкилотлар раҳбарлари билан келишиб олинди. Ушбу ишларни наъмунали ташкил этиш ҳамда ўтказиш учун тумандаги «Хикматли» маҳалласи танлаб олинди. Сирдарё туманининг «Хикматли» маҳалласида ёшларни бўш вақтларини мазмунли ташкил этиш бўйича тадбирлар бўлиб ўтмоқда. Унда, Ёшлар етакчилари, Тошкент ҳарбий округи МОҚБ, Сирдарё вилояти ИИБ ходимлари, Миллий гвардия вилоят бошқармаси ҳарбий хизматчиларидан таркиб топган бўлинмалар, Мудофаа вазирлиги марказий ҳарбий оркестрининг маҳалла кўчалари бўйлаб тантанали юриши намийиш этилди. Сирдарё туманининг «Хикматли» маҳалласида ёшларни бўш вақтларини мазмунли ташкил этиш бўйича тадбирлар бўлиб ўтмоқда. 30-сонли умумтаълим мактаби ўйингоҳида Мудофаа вазирлиги , ИИВ ҳамда Миллий Гвардия томонидан маҳалла ёшлари учун замонавий ҳарбий техника, қурол-аслаҳа ва анжомлар кўргазмасини ташкил этилди. Шунингдек, ИИБ ППХ кинология бўлими хизмат итларининг кўргазмали чиқишлари барчага бирдек манзур бўлди. “Халқ ва армия бир тану, бир жондир". Тадбир давомида Ўзбекистон Республикаси Ёшлар ишлари агентлиги директори Алишер Садуллаев сўзга чиқиб, юртимизда ёшлар учун яратилган кенг имкониятлар ҳақида тўхталиб o‘tildi.Shuningdek бу каби тадбир Республика ўғил болалар ўқув тарбия муассасасида ташкил этилиб, уюшмаган ёшлар ҳамда тарбияланувчилар ўртасида соғлом турмуш тарзини тарғиб этиш мақсадида спортнинг шахмат, шашка, кураш, футбол турлари бўйича мусобақа ташкил қилинди. Тадбир давомида тарбияланувчилар томонидан ташкил этилган «Меҳр» номли саҳна кўринишлари намойиш этилди. Бу каби тадбир Сирдарё вилояти бўйича Миллий гвардия бошқармасида давом этди. Хусусан, Ҳарбий қисмда очиқ эшиклар куни ташкил этилди.
