Milliy gvardiya xodimlari fuqaroni jinoyat ustida qo‘lga oldi
13-dekabrdan 14-dekabrga o‘tar kechasi Jizzax viloyati Do‘stlik tumani Qo‘riqlash bo‘limi monitoring markaziga G.G‘ulomov mahalla fuqarolar yig‘ini hududida joylashgan oziq-ovqat do‘konidan tashvish xabari kelib tushgan. Voqea joyiga zudlik bilan tezkor harakatlanuvchi guruh yetib borib, do‘kon oynasidan bino ichiga kirgan nomaʼlum shaxsni qo‘lga olinib, Do‘stlik tumani ichki ishlar bo‘limiga topshirilgan. Dastlabki surushtiruv ishlari natijasida fuqaro Samarqand viloyatida tug‘ilgan, Jizzax viloyati Arnasoy tumanida vaqtincha yashovchi E.I. ekanligi aniqlangan. Tergovga qadar tekshiruv ishlari Ichki ishlar organlari tomonidan o‘tkazilmoqda.
