Bugun Buxoro shahrida Qo‘l jangi sport turi bo‘yicha Jahon chempionati musobaqasi boshlandi. / / Poytaxtimizdagi 21,22-sonli va Chirchiq shahridagi 14-sonli “Mehribonlik” uyi tarbiyalanuvchilaridan iborat jamoa Sankt-Peterburg shahrida bo‘lib o‘tgan Mehribonlik uyi jamoalari o‘rtasidagi sportning mini-futbol turi bo‘yicha XVIII Xalqaro turnirning mutlaq g‘olibi bo‘ldi! G‘alaba muborak bo‘lsin! / / Poytaxtimizda O‘zbekiston Respublikasi Milliy gvardiyasi qo‘mondoni general-mayor Rustam Djurayev va Qirg‘iziston Respublikasi Qurolli Kuchlari Milliy gvardiyasi qo‘mondoni polkovnik polkovnik Talantbek Yergeshovlar o‘rtasida muzokaralar bo‘lib o‘tdi / / "Yesh gvardiyachilar" harbiy sport musobaqasining hududiy bosqichlari joylarda yakunlanmoqda / / Xalqaro hamshiralar kuni munosabati bilan Milliy gvardiya tibbiyot xodimlari uchun tantanali tadbir tashkil etildi / / Kuni kecha Huquqbuzarliklar profilaktikasi kunida Milliy gvardiya Toshkent viloyati bo‘yicha boshqarmasi tomonidan Chirchiq shahar harbiy prokuraturasi vakillari bilan birgalikda baxtsiz hodisalarning oldini olish yuzasidan suhbatlar tashkil etildi.//Termiz shahrida qo‘riqlash bo‘limlari shaxsiy tarkibi bilan yig‘ilish o‘tkazilib, unda xizmat intizomi va qonunchilikka rioya etishni takomillashtirish chora-tadbirlari muhokama qilindi.

Buxoroda Milliy gvardiyaning marhum xodimi "Jasorat" medaliga munosib koʻrildi

Ona Vatan, uning har farzandining tinchligi yoʻlida qalb va vijdon amri bilan qilingan saʼy-harakat eʼtibor va ragʻbatsiz qolmaydi.
Oʻzbekiston Respublikasi Prezidentining "Oʻzbekiston Respublikasi Qurolli Kuchlari tashkil etilganining 30 yilligi hamda Vatan himoyachilari kuni munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash toʻgʻrisida"gi farmoniga koʻra, davlat mukofotiga sazovor boʻlgan hamyurtlarimiz orasida Milliy gvardiyaning Buxoro viloyati qoʻriqlash boshqarmasi safdor-xodimi, «Jasorat» medaliga loyiq topilgan marhum Hamdamov Alisher Oʻktamovich ham bor.

Bugun, Peshkoʻ tuman hokimi, Qoʻriqlash bosh boshqarmasi rahbariyati, viloyat Milliy gvardiya rahbariyati, nuroniylar va keng jamoatchilik vakillari rahmatli xodim unib-oʻsgan xonadonga borib, «Jasorat» medalini Hamdamov Alisherning ota-onasiga topshirdilar. Shunday mard va oʻktam oʻgʻlon bilan har qancha faxrlanish munosib ekani qayd etildi. Bundan buyon ham marhumning oilasi doimiy eʼtiborda boʻlishi taʼkidlandi.

— Vataniga xizmat qilishni vijdoniy burchi deb biladigan bolajonim huquqni muhofaza qiluvchi organlarda qariyb 18 yildan buyon xizmat burchini bajarib keladi. Oʻz vazifasini bajarish chogʻida jonini mardlarcha qurbon qilgan dilbandimni safdoshlari va mahalladoshlar koʻngli ochiq, saxovatli yigit ekanligini xotirlashadi. Men esa shunday umrini jasorat va matonat bezagan farzandning onasi ekanligimdan har doim gʻururlanaman, - deydi marhum xodimning onasi Sobira aya.

Marosim soʻngida marhum haqqiga Qurʼon tilovat qilinib, yaqinlariga hamdardlik bildirildi.

Belgilangan matnni tinglash uchun quyidagi tugmani bosing Powered by GSpeech