SPORTCHILARIMIZ MUNOSIB KUTIB OLINDI
Oldin xabar berganimizdek 18-25 sentyabr' kunlari Rossiyaning Moskva shahrida harbiy sportchilar o‘rtasida boks bo‘yicha jahon chempionati musobaqalari bo‘lib o‘tdi. Ushbu xalqaro chempionat bahslari yakuniy natijalariga ko‘ra yurtimiz sharafini himoya qilgan O‘zbekiston terma jamoasi 7 ta ( 3 ta oltin, 1 ta kumush va 3 ta bronza) medalni qo‘lga kiritdi va umumjamoa hisobida 2-o‘rni egalladilar. Unda Milliy gvardiya harbiy xizmatchilari ham munosib hissa qo‘shgan holda, 69 kg vazn toifasida Navbahor Hamidova hamda 60 kg vazn toifasidagi Rayhona Qodirovalar bronza medallari sohibasi bo‘ldilar. Terma jamoamiz a'zolari 27 sentyabr' kuni soat 03:00da yurtimizga qaytib kelishdi va Toshkent xalqaro aeroportida tantanali ravishda kutib olindi.
Safdoshlarimizni ushbu xalqaro musobaqalardagi zafarli qadamlari bilan samimiy muborakbod etamiz!
